كتاب نسائم و طرائف

مرّة الصادقْ والعايشة مرتو مروّحين من سهرية ملاك عبد الحكيم بليلى بنت جنات. والصادقْ من ثنايا ربي الكل حب يتعدّى على المسرب ما بين الواد والسدرة. وزلقْت العايشة وجبدت معاها الصادق وطاحوا في الواد. هو يقْلها عزا فيك آعميا. وهي تقْلوا عزا فيك آالصادقْ لفرك. الصادقْ متعنكش في عرقْ السدرة والعايشة شادة في رجلو. ووحلوا غادي.
العرقْ متاع السدرة بدا يتكتك وباش يتملص والصادق مكبش باربعة اصباع بيدو لخرى في اطرف الواد. وفي جيبو صرّة الفاكية وكل مرة اتطيح منها كعبة حلوى على وجه العايشة. وهي تقْلو ها الصادق البوهالي وقت حلوى تو وهو يقْلها سيب رجلي راك سلحتيلي سروالي..